Event Date: 7th Nov, 2017
ینگ ویمن رائٹرز فورم اسلام آباد کی روحِ رواں اور بانی محترمہ بشریٰ اقبال ملک کے اعزاز میں ایک نشست کا اہتمام
 
مورخہ ۷ نومبر ۲۰۱۷ بوقت چھے بجے، عالمی ادبی فورم کے زیرِ اہتمام، راولپنڈی آرٹس کونسل میں ینگ ویمن رائٹرز فورم اسلام آباد کی روحِ رواں اور بانی محترمہ بشریٰ اقبال ملک کے اعزاز میں ایک نشست کا اہتمام کیا گیا ـــ

اس نشست کی صدرات نامور شاعر جناب نسیمِ سحر نے کی، جبکہ مہمانِ خصوصی میں محترم ضیا الدین نعیم اور کرنل مقبول حسین شامل تھے ــ 

نسشت کا باقاعدہ آغاز تلاوت ِ قرآنِ مجید فرقانِ حمید سے ہوا، جسکی سعادت ینگ ویمن رائٹرز فورم اسلام آباد چیپٹر کی ممبر آبرو نبیلہ اقبال نے حاصل کی اور حضور صلی اللہ و علیہ و آلہ وسلم کی خدمت میں ہدیہ ِ تبریک بھی پیش کیا ـــ

اس نشست میں ینگ ویمن رائٹرز فورم اسلام آباد چیپٹر کی کوفاؤنڈر محترمہ رابعہ بصری کیساتھ ساتھ فورم کی ممبران شفاء سجاد، نوشین قمر اور معافیہ شیخ نے بھی اپنا کلام سنایا اور داد سمیٹی ـــ

نشست کے اختتام پر محترمہ بشریٰ اقبال ملک نے محفل میں موجود لوگوں کو فورم کے اغراض و مقاصدسے آگاہ کیا اور اپنا کلام سنا کر داد سمیٹی ـــ

رپورٹ : اسماء شاہ